રાજ્યમાં કુલ 5,48,989 ટેસ્ટમાંથી 49,439 કેસ પોઝિટિવ, અત્યાસુધીમાં કુલ 35,659 દર્દી ડિસ્ચાર્જ અને 2,167ના મોત

અમદાવાદ. રાજ્યમાં છેલ્લા 8 દિવસથી સતત 900થી વધુ કેસ સામે આવી રહ્યા છે. જ્યારે છેલ્લા 2 દિવસથી 20-20 દર્દીઓના મોત થયા છે. અત્યારસુધીમાં કોવિડ-19ના કુલ 5,48,989 ટેસ્ટ કરવામાં આવ્યા છે. જેમાથી 49,439 દર્દી પોઝિટિવ નોંધાયા છે. કુલ પોઝિટિવ દર્દીઓમાંથી 35,659 દર્દી સાજા થઈ જતા તેઓ ઘરે પરત ફર્યા છે જ્યારે મૃત્યુઆંક 2167એ પહોંચ્યો છે. ગઈકાલે છેલ્લા 24 કલાકમાં નવા 998 પોઝિટિવ દર્દી નોંધાયા છે. જ્યારે 777 દર્દી ડિસ્ચાર્જ થયા અને 20 લોકોના મોત નિપજ્યાં છે.

ગઈકાલે રાજ્યમાં ક્યાં કેટલા કેસ અને મોત
રાજ્યમાં નવા નોંધાયેલા કેસની વિગતો જોઇએ તો સુરતમાં 284, અમદાવાદમાં 193, વડોદરામાં 78,રાજકોટમાં 56, ભાવનગરમાં 42, મહેસાણામાં 26, જામનગરમાં 22, ગાંધીનગર, સુરેન્દ્રનગરમાં 20-20, પાટણ, વલસાડમાં 17-17, કચ્છ, ગીર-સોમનાથ, તાપીમાં 16-16, પંચમહાલમાં 15, બનાસકાંઠા ખેડા, જૂનાગઢ, અમરેલીમાં 13-13, દાહોદમાં 12, મહીસાગરમાં 11, નવસારીમાં 10, બોટાદ, મોરબીમાં 9-9, નર્મદામાં 7, આણંદ, સાબરકાંઠામાં 6-6, અરવલ્લીમાં 5, દેવભૂમિ દ્વારકામાં 3, છોટાઉદેપુર, પોરબંદરમાં 1-1 કેસ નોંધાયા છે.રાજ્યમાં 20 દર્દીના મોત થયા છે, જેમાં સુરતમાં 11, અમદાવાદમાં 4, નવસારી, વડોદરામાં 2-2 અને ગીર-સોમનાથમાં 1 દર્દીનું મૃત્યુ થયું છે.

4થી 20 જુલાઈ સુધી રાજ્યમાં નોંધાયેલા કેસ, મોત અને ડિસ્ચાર્જનો આંકડો

8 દિવસથી રાજ્યમાં 900થી વધુ કેસ, અમદાવાદમાં 15 દિવસ બાદ 200થી વધુ કેસ

કુલ 49,439 દર્દી, 2167ના મોત અને  35,659 ડિસ્ચાર્જ(સરકાર દ્વારા દર 24 કલાકે જાહેર કરાતા આંકડા મુજબ)